Suomes eläjis vieraskielizis 61 prosentua luottau Ylen uudizih. Se on vieraskielizien kaikkii luotetumbi uudislähteh.
Školasyömizien suvaičendu on vähennyh jyrkähgi kahten vuvven aloh.
Suomes huumavusainehis roittavien kuolendoin miäry väheni mulloi.
Suomelazien ostovoimu kazvau tulieloin vuozien aloh enimite ruadohkävijöil da hyvätulohizil koditalovuksil.
Suurin mikrosiruloin luadii Nvidia investiiruiččou Nokiah miljardan dollarua, mi on läs 860 (kaheksuasadua kuuttukymmendy) miljonua euruo.
Tuulibauhu Melissa täl nedälil on luadinuh vahinguo äijäs kohtas. Tossargen ehtäl Suomen aigua se ylitti Jamaikan viijenden luokan tuulisviehkurinnu.
Kuundele ližiä Yle Areenas: https://areena.yle.fi/1-75999559
