Kačo videjo: Monile kol’tansaamelazile lapsile škola voibi olla ainavo kohtu, kus kieldy piäzet tovengi käyttämäh. Videjo: Sara Kelemeny/Yle
Ivalon školas on avavunnuh enzimäine kol’tansaamenkieline kluassu. Ida Hallantie opastau kieldy, kudamua muailmas maltau vai se-tämä-sada.
Ivalon školas on organizuittu kol’tansaamen opastandua silloi-toiči 1980-luvus algajen, ga sidä nikonzu ei ole pandu alallizekse.
Mennyzien vuozien aigua Ivalon alovehel kol’tansaamenkielizien lapsien miäry on kazvanuh, da sendäh Ivalon školah rodih suuri tarveh kol’tansaamelazele kluasale.
Opastai Ida Hallantien zavedittu kol’tansaamen omakieline kluasanopastus algavui jälgimäi sygyzyl 2024. Puolestostu vuvves Hallantie löydi oman tavan opastua.
Opastandu on tärgei, sendäh gu varavonalastu kieldy pagizou Suomes vai läs 300 hengie.
Yle Uudizet karjalakse: https://yle.fi/a/74-20203774
