Kaksikymmen karjalankielisty pajuo ollah avvoi internetas pajatettavakse karaoke. Tallel on kui uuttu, mugai vahnua, rahvahan pajuo. Suurembi vuitti pajolois ollah livvinmurdehel.
Karaoke on äijile kelle suvaittavu, kädehpädii dielo. Konzu syväin pajattau, karaoke pädöy hyvin. Karjalankieline karaoke jo on suadavis Kahtel saital.
Karelia Folk ry Suomen puolel luadiu erästy projektua “Parempi pajot”. Karaoke karjalakse -resursal karaokekarjalakse.blogspot.com on tarkoitus kerätä läs viittytostu uuttu da vahnua karjalankielisty kappalehtu, kuduat ozutettas karjalan kieldy vesseläl da vaikuttaval luavul. Tämä projektu kehittelöy karjalankielisty karaoke, samal luadiu karjalan kieldy muailmale tutumbakse mindäh sendäh valmehet karaoket ollah purretut leviembäkse, YouTubehgi.
Täkse aigua täl saital suau löydiä läs puolet planuittulois, se on seiččei karaokekappalehtu. Saitu avavuu čomal vesseläl Sattuma-joukon pajozel “Maman kevätpajoine”. Pajo on kirjutettu Zinaida Dubininan sanoih. Alemba nävytäh Santtu Karhun, Hannu Brelon pajot, Kalevalan rahvahanpajojoukon kappalehet. Karjalan rahvahan gimnu “Karjalan kumbuzil” on kuvitettu pohjazen luonnon čomazil. Projektan vedäjät kučutah rahvastu kuvittamah toizii pajoloi videoloih niškoi. Sanakse, Vieljärven kylän Karjalan Kielen Koin N’apukat -kielipezän lapset parahite nygöi ollah kuvittamas Kristiina Olanto & Lekkujad -pajokoukon pajuo “Metrolla buaballuo” Katerina Paalamon sanoih.
Toine karjalankielizen karaoken internet-resursu on karelia.onegaborg.eu/Karaoke.aspx, kus tallel on kolmetostu pajuo. Karjalan kielen dovarišoin seuru Uhtuan tazavallan flavun al pujoittau karjalan kieldy nägyvih. Nygöi täs ollah avvoi kolmetostu nygyaigastu pajuo, enimytteh ven’aspäi livvikse kiätyt. Kiändäjänny oli karjalan kielen opastai Tatjana Baranova. Täs čotas ollahgi kodvazen, 2007-2010 vuozinnu olluon Anna tulla -nuorižojoukon pajot “Tule rannale” da “Linnalaine neičyt”.
Eigo tai ole hyvä askel edehpäi? Valdivollistu rajua eri puolil karjalan kieles tavoitetah luadie aijankohtaine da käyttöh kebjiesti otettavu. Karaoke pajattajes ei pie olla sujuvu kielinero. Avua saitu, kačo sanat da pyzy muuzikan peräs.
Teksti: Natalja Antonova, 3.2.2021 Oma Mua
Foto: karaokekarjalakse.blogspot.com
