Virrallizen stuatusan kallivopiirrokset suadih UNESCO:n komitietan istundos 28. heinykuudu. Korgien stuatusan hyvyös Onieganjärven da Vienanmeren kallivopiirrokset suajah enämbän kannatustu da roitah vie kuulužembat mieros.
– Kaččomah kallivopiirroksii Karjalah kävyy tuhanzii ristikanzoi muailman eri čuppuloispäi. Tavan mugah kohtih, kuduat pandih UNESCO:n luvetteloh, tulou enämbi turistua. Sendäh on tärgei kunnostua Belomorskan da Puudogan alovehii da kehittiä sie turistupalveluloi, pidäy varmuttu Karjalan piämies Artur Parfenčikov.
Foto: Ilja Timin. Tuliel aigua UNESCO:n komitiettu andau nevvoloi, kui parembah vardoija da säilyttiä kallivopiirroksii.
