Uutiset

Karjalan kieli internetissä: voittajat on ilmotettu

Kirjoittanut: Toimitus
Julkaistu: 28.10.2020
Asiasanat: karjalan kieli

Karjalan tašavallan karjalaisien, vepšäläisien ta šuomelaisien kieliresurssikeškuš ilmotti parahien karjalan kieltä käyttäjien internettiprojektien kilpailun tulokšet.

Kilpailun voittajie valittih eri nominatijoissa:

Paraš projekti karjalan kielen tutkimista varoin (ryhmien kešen): Tatjana Baranovan ohjuama Luvemmo yhtes -ryhmä VK-sosialiverkošša (vk.com/luvemmo_yhtes);

Paraš projekti karjalan kielen tutkimista varoin (käyttäjien kešen): Aleksei Ananjevin ohjuama Karjalan kielioppi -kanava Telegram-sosialiverkošša (t.me/karjalan_kielioppi);

Paraš projekti karjalan kielen popularisointie varoin (ryhmien kešen): Julija Filippovan ohjuama Vuokkiniemen kylätalo -ryhmä Facebook-sosialiverkošša (facebook.com/groups/vuokkiniemenkylatalo);

Paraš projekti karjalan kielen popularisointie varoin (käyttäjien kešen): Anita Gundirevan ohjuama Havumeččä-šivu Instagram-sosialiverkošša (instagram.com/havumecca);

Paraš projekti karjalan kielellä (ryhmien kešen): Ol’ga Gokkojevan ohjuama Karjalan Kielen Kojin -kanava Youtube-sosialiverkošša (youtube.com/channel/UCwIl6LQw1SED6OFZoyqcimw);

Paraš projekti karjalan kielellä (käyttäjien kešen): Anni Vlasovan oma šivu Facebook-sosialiverkošša (facebook.com/profile.php?id=100004109658596).

Erikoispalkinto on myönnetty projektiloilla: Julija Filippovan #vienan_starinoja -šarja VK-sosialiverkošša; Aleksandra Lesosen ohjuama Viena-šeuran šivu Instagram-sosialiverkošša (instagram.com/viena_karjala/).

Kieliresurssikeškukšen ruatajat onnitellah voittajie ta kiitetäh kilpailun kaikkie ošanottajie. Tiijot kaikista projektiloista lisätäh projektin tietokantah, jotta toiset šuatais tuttavuštuo tähä ainutluatuseh kokemukšeh.

Parahien karjalan kieltä käyttäjien internetti-projektien kilpailu starttasi 1. šulakuuta. Kilpailu on Karjalan kieli männyöštä tulovaisuoh -projektin ošana, kummaista toteuttau Nevond-kanšalaisjärještö yheššä Periodika-kuštantamon kera Presidentin grantin varoilla.

Lue nämäkin:

Nedälin 16 Yle Uudizet karjalakse Yle Areenassa

Nedälin 16 Yle Uudizet karjalakse Yle Areenassa

Suomen halličus piäzi kehysriihes kolmen miljardan euron siästötavoitteheh. Läs puolet siästölöis kerävytäh leikkuandois da puolet veronnostandois. Suurin vuitti veronnostandois roih ylehizen arvonližäveron nostamizes 25,5 (kahtehkymmeneh viideh pilku viideh)...

Yle Uudizet karjalakse: Kalevan kižat pietäh Poris 2027

Yle Uudizet karjalakse: Kalevan kižat pietäh Poris 2027

Piäkuva: Iellizen kerran Kalevan kižat organizuittih Poris vuvvennu 2015. Arhiivukuva. Kuva: Tapio Pukkila / Yle Pori sai piettäväkse ylehissportan Kalevan kižat vuvvennu 2027. Neččih dieloh näh suovattan piätti Suomen Sportuliiton liittovaldivosto. Yle Uudizet...

Mikä on Uutisčuppu?

Uutisčuppu – Uudisčuppu on Karjalan Sivistysseuran uusi ajankohtaiskanava. Julkaisemme tällä sivustolla kiinnostavia uutisia ja tietoa tulevista tapahtumista.

Tilaa uutisviesti

Tilaa sähköpostiisi ilmoitukset uusista artikkeleista.