Kapakeitto on Karjalan tunnetuin keitto. Še on diettini, ka šamalla täyttävä ruoka. Karjalaini emäntä Anni opaštau šilma keittämäh kapakeittuo pienistä maimoista.
Kapakeiton piäkomponenttina on kapa – kuivattu kala. Karjalaiset kuivattih haukie, ahventa, kuhua, lahnua, kuorehta. Talvella kapa šäily vakoissa kiukualla. Kapakeittuo voipi keittyä kuin talvella, konša lihakeitto jo kylläššytti, niin ni kešällä, konša on äkie. Vet kapakeitto on makie kuumana ta vilunaki.
Kapakeittuo voit keittyä kuin talvella, niin ni kešällä. Kuva: Margarita Kemppainen
Ota
Kapakeittuo varoin šiula tarviččou kapua, potakkua ta luukkuo. Voit lisätä keittoh kakrahelpehie, još tahot, jotta še tulis šakiempi.
Valmistamini
Ennein keittämistä šuuri kapa katkua pieniksi kappalehiksi ta livota vilušša veješšä 8–10 tuntie. Miula on pienie maimoja, kumpasie ei ole pakko livottua.
Pane vesi kiehumah ta työnnä šiih livotetut kalat.
Kuorita potakat ta luukko, pilko ne kuutijoiksi ta lisyä kalakeittoh.
Anna kapakeiton kiehuo noin 15 minuuttie ta ota tulelta.
Kua makieta keittuo luotoih ta lisyä kermua.
Hyvyä ruokahaluo!
Teksti: Margarita Kemppainen, Oma Mua 9.11.2022
