Uutiset

Kieli eläy pagizemal, lugemal da kirjuttamal

Kirjoittanut: Toimitus
Julkaistu: 6.5.2021

Joga vuottu ligakuus algajes oraskuussah Petroskois Karjalan Rahvahan Liiton kuhkutuksel pietäh karjalan kielen kursiloi. Pandemieh huolimattah kursit piettihgi vuozinnu 2020-2021. Omii mielii kielen kursiloih nähte sanottih kursuniekat, opastajat da KRL:n piälimäine Aleksandr Jeremejev.

Kursiloil sai opastuo karjalan kielen livvin da vienan piämurdehih. Kieldy opastuttih algajat opastujat da net, ket jatketah opastustu. Enzimäzele vuozikursile opastumah kieldy tuli karjalakse maltamattomua rahvastu da niidy, kudamat kudakui maltettih kieldy libo kuultih sidä perehes. Tavan mugah kursit algajih niškoi oldih ilmazet.

Livvin murdehen algukursin pidi Petroskoin valdivonyliopiston opastai Anastasija Afanasjeva, jatkokursin – opastai da kiändäi Tatjana Baranova da opastai Svetlana Kondratjeva. Vienankarjalan algu- da jatkokursin pidi Petroskoin valdivonyliopiston loppenuh Anastasija Jungina.

Aleksandr Jeremejev, Karjalan Rahvahan Liiton piälimäine

– Hyvä, gu rahvas tahtotah opastuo karjalan kieleh. Kieli on nygöi vaigies tilas i sidä pidäy kaikil oppie, joga kohtas nostattua da kehittiä. Tiettäväine, Petroskois eläjes rahvahal on ylen jygei pidiä kieldy elos da sidä elvyttiä. Sendäh on hyvä, ku meil on luajittu tämmözii kursiloi. Konzu annoimmo ilmoituksen, ku rubiemmo pidämäh kursiloi – rahvas soitettih, tahtottih tulla opastumah mollettiloih murdehih – vienah da liygih. Allus kursiloil oli rahvastu äijy – ilmoittuakseh meile soitettih läs kuuttukymmendy hengie. Sit rodih pandemii i äijät rahvas ei voidu jatkua opastundua. Toizet ruvettih opastumah kieldy internetan kauti, ga, pahakse mielekse, rahvas vahnembua polvie ei malteta putilleh käyttiä internettua.

Olen hyväs mieles, ku rahvas kiitetäh kursiloin opastajii. Opastajat tietäh, kui pidäy opastua kieldy – niilöile rahvahile, ket, ezimerkikse, ei opastuttu kieldy nikonzu da ei malteta paista i niilöile, ket jo maltetah paista. Ved’ jogahizel, ken tuli opastumah karjalan kieldy, oli oma pričin sih. Kengo tahtottih opastuo lugemah karjalan kielel, kengo tahtottih enämbi pagizemah omal kielel.

Kezäl rubiemmo ajattelemah sit, kuibo rubiemmo pidämäh kursiloi tulien vuon. Tavan mugah luajimmo ilmoituksii raadivos dai Oma Mua -lehtes.

Nadežda Ipatova,
liygi, enzimäine vuozikursi

– Oli mieldy myö kävvä kursiloile. Olen rodužin Anuksespäi, ga elän Petroskoil. Tiä ei ole kenenke paista, Anukseshäi pagizen omal kielel čidžin kel. Tahton tulla kursiloile tulien vuongi, himoittas, ku silloigi urokkoi pidäs Anastasija Afanasjeva. Anastasija on hyvä opastai, urokoil kai oli selgei. Myö nagroimmo, opastuimmo, hyvä oli. Nygöi kačon da kuundelen karjalankielizii uudiizi, kai on selgei. Paiči urokkoi kävyin eri pidoloih, sanommo, kävyin Oma Pajo-horan 30-vuozipäiväle omistettuh konsertah.

 

Tatjana Levašova,
liygi, enzimäine vuozikursi

– Mielihyväl opastun karjalan kieldy, eläkkehele lähtiettyy rodih mahto opastuo. Kursiloil opastuin lugemah da kirjuttamah karjalakse, kirjuttua on minule vie jugiettavu. Himoittas enämbi paista karjalakse. Ennehäi pagizin omal kielel kollieganke, kuduan kel ruavoimmo yhtes lapsienpäivykois, nygöi pagizen vaiku kursiloil. Tulen kursiloile tuliengi vuon, opastumah karjalua kučun omii tuttavii – rahvas ollah kiinnostunnuot kieleh. Tahtozin, ku toinegi vuozikursi olis ilmaine.

 

Konstantin Ivanov,
viena, enzimäine vuozikursi

– Piätin lähtie karjalan kielen kursiloile silloi, konzu näin ilmoituksen televiidenies. Kerras tuli mustoh karjalaine kodi Tverin alovehen Hmel’ovo-kyläs, kunne kezil kävyin buaballuo. Minul himoitti paista ezi-ižien kieldy. Buabo oli ven’alaine, died’oi – karjalaine. Pahakse mielekse, died’oi kuoli enne minun roindua, ga kuulin karjalan kieldy kyläs – buabat paistih. Opastuo kursiloil oli mieleh, Anastasija Jungina on nerokas opastai.

 
 

Anastasija Jungina,
vienankarjalan opastai

– Tänä vuotena oli kakši ryhmyä – enšimmäini vuosikuršši alkajilla ta jatkokuršši. Valitettavašti rahvašta oli vähän. Koronapandemijan takie ei ollun mahollisutta käyvä opaštujien kera kulttuuritilaisukšissa. Ka olen mielissäni šiitä, jotta opaštujat käytih kurššiloilla mielelläh.

 
 
 
 

Teksti ta foto: Elina Potapova, 5.5.2021 Oma Mua

Lue nämäkin:

Kielikurššit loputtih Kesselipiä-pelillä

Kielikurššit loputtih Kesselipiä-pelillä

Karjalan ta vepšän kielien peruštietojen Onko helppo šanuo?! -kurššit piätyttih. 15 opaštujua on šuorittan loppututkinnot ta juhlittih kurššien piättymistä. Šiih liityttih opaštajat ta projektin luatimisjoukko.Kurššien piättymistä juhlittih...

Itäsuomalaiset hotellit odottavat kiireistä kesää

Itäsuomalaiset hotellit odottavat kiireistä kesää

Suomalaisten kaukokaipuusta huolimatta hotellialalla uskotaan, että lähestyvästä kesästä on tulossa vilkas myös kotimaassa. Lue lisää Yle Uudizet karjalakse: https://yle.fi/uutiset/3-12457415 Lisäksi, ukrainalaiset ovat löytäneet jo hyvin työpaikkoja Satakunnasta....

Mikä on Uutisčuppu?

Uutisčuppu – Uudisčuppu on Karjalan Sivistysseuran uusi ajankohtaiskanava. Julkaisemme tällä sivustolla kiinnostavia uutisia ja tietoa tulevista tapahtumista.

Tilaa uutisviesti

Tilaa sähköpostiisi ilmoitukset uusista artikkeleista.