Tuhukuun 14. päivänny pietäh kanzoinvälisty Pyhän Valentinan päiviä. Sidä pruazniekkua sanotah vie Mieldynyzien päiväkse libo Dovarišoin päiväkse. Kuibo voibi lyhyösti sanuo mielespiettäväle libo parahale uskottavale dovarišale omis tundolois?
Sinun hyvittelyy voijah hyvin čomendua karjalazet sananpolvet da sananpiät, mustoita vai niilöi: “I minun oza löydi…”, “Loitonsah suvaimas et kiellä”… Armastu hyvitelles hyvin pätähgi Vladimir Brendojevan runorivit. Runoilijal oli neruo sanomah omii tundoloi muamankielel:
“Älä, kuldoi, minus pettäi,
sinuu vuottuakseh en voi,
liipoilindužennu heittäi,
kevät sinuttah ei roi.”
Valliče “Oman Muan” valmistetut suvaičussanat libo keksi omat da työnnä kortine omale armahale.
Valmisti Aleksandr Jeremejev, Oma Mua 7.2.2024
