Kolttakul’tuurufondu yhtehizes ruavos Saamelaisalovehen opastuskeskuksen (Suomen puoli) da Karjalan Kielen Kodi -yhtevyksenke (Ven’an puoli) allettih Kolttasaamelaizet da karjalaiset – yhteisruado jatkuu -opastunduseminuaru.
Seminuaru pietäh kaksin kerroin nedälis kylmykuun aloh. Seminuaru on avvonaine, yhtyö sih voijah kaikin, ei vaiku karjalazet. Kuundelemah häviemizilleh olijoin kielien da kul’tuuroin kehitändyalan spetsialistoi tuldih kieliaktivistat da lapsien vahnembat Ven’an toizisgi paikois, kaikkiedah enämbi kolmiekymmendy hengie. Kielien siirrändy sugupolvespäi toizeh, kielipezät da kieliaktivizmu, produktiivine kaksikieližys, pienien rahvahien voindu, kul’tuuroin nygözeh aigah suatandu, keskenäine verkostumine, kandurahvahien sotsiualizet mediat, verkoopastundat, matkailualan kehitändy, uvvet tiij ot da maltot – moizet ollah teemat.
– Ven’an puolespäi omii neroloi juatah Karjalan Kielen Kodi da Kuola-niemistön saamelazet, sanou seminuarah yhtynyh Natalja Antonova. Suomen da Ven’an kolttasaamelazil da karjalazil onhäi äijy midä yhtehisty kui histouries, mugai kieles da uskondos. Projektan tavoiteh on tugie suomelas-ugrilazien rahvahien tärgielöi ruandoi da sen on kannatannuh M. A. Castrenan seuru.
Teksti: Oma Mua, 10.11.2021
