Sellitysmies Arto Räty ehoittau äijien eri tavoin yhtistämisty, ezimerkikse yhtehisty pohjalasmualastu ilmanvalvondukonehtu, senzoroi da eri toimijoin yhtesruaduo.
Helsingin policies zavediu ruavon kaksi uuliččujoukkovehrikolližuon eständäh niškoi luajittuu ruadojoukkuo.
Aamulehten da Helsingin Sanomien piätoimittajat ollah lähtietty ruavospäi lyhyön aijan aloh alkohol’ah liittyjien probliemoin täh.
Hinnoin nouzendu myös raveni Suomes tuhukuul. Infl’acies jo vuotettih hillenemisty, ga tuhukuul se yhtelläh rutostui läs 9 (yheksäh) prosentassah iellizen kuun vajuas 8 (kaheksas) da puoles prosentas.
Energiitevolližus kritikuiččou Aalto-yliopiston tutkijoin čotaičendoi energienkriizisan hindulippuzis.
Puolovehien paginanvedäjät ei tahtota nostua sociali- da tervehyspalveluloin aziekasmaksoloi.
Korgeiškolien keviän toine yhtespyrgimine on zavedinnuhes. Sit pyrritähes tuliel sygyzyl algavujih suomen- da ruočinkielizih opastuksih.
Kuundele ližiä Yle Areenas: https://areena.yle.fi/podcastit/1-65346368
Nedälin 49 Yle Uudizet karjalakse Yle Areenassa
Suomelazien luottamus ulgopoliitiekan hoidamizeh on vähennyh. Tämä tiijustettih Muanpuolistus-tiijoituksen planiiruičendukunnan kyzelys. Vastuajis 67 (kuuzikymmen seiččie) prosentua pidi Suomen ulgopoliitiekkua hyvin hoijetunnu. Kela tavoittelou kymmenien miljonoin...
