Puolet nuoris kohtavutah tulieh aigah pessimistizesti

Nuorien usko muailman tulieh aigah on histouriellizeh madalal. Tämä tiijustettih uvves nuorižobarometraspäi.

Endisty enäm nuordu suittau eläkehigäh niškoi.

Policii on nakažittu virguruavos roinnuos pahoipiendäs libo satatuksentuottamizes vähimyölleh 19 (yheksätostu) kerdua jälgimäzen kymmenen vuvven aigua.

Eländyalovehien eroitundu voibi olla varattavu dielo Suomen kanzallizeh turvalližuoh niškoi, vakustau suojelupolicii.

Suomi da Ruočči tahtotah lujendua jiämurdoyhtesruaduo.

Keviän yliopastujien koittehet algavuttih täl nedälil. Enzimäzenny oli muamankielen da kirjalližuon luvendumalton koiteh tossargen.

Karjalan kieltä voit opaštuo tulijana kešänä kielileirillä Kainuun vienalaiskylissä. Leirillä voit kuin elvyttyä ta šyventyä karjalan kielen neruo, niinni opaštuo karjalua uutena kielenä.

Kuundele ližiä Yle Areenas: https://areena.yle.fi/1-77184027