Poliittizet zabastoukat vaigevutetah bussuliikendehty
Helsingin alovehen liikendeh sanou, gu piälinnan alovehel enzimäzel bussuvarikol lopeh poltoaineh da kai diizel-ajonevvot azetutah nedälinloppussah.
Suuret meččy-yhtivöt levieh azetetah omii zavodoi kulletusalan zabastoukan täh. Tuotandon keskevyjes vähimyölleh UPM da Stora Enso keskevytetäh sežo ruadajien palkanmaksandan.
Jevangelis-l’uteranskoi kirikkö vikse terväh rubieu hyväksymäh venčaičendua kahten samua sugupuoldu olijoin välil.
Hätken voimattominnu olijoin talovehelline tilandeh on heikennyh mennyzien vuozien aloh, mi selgenöy voimattomanorganizacieloin kyzelys.
Suomes tänä vuon on varmistettu rekordumiäry hepatiittu E-tartundua.
Perusškolat ollah roimas eriarvohizikse Suomes.
Korgeiškolien keviän toine yhtehispyrgimys on zavedinnuhes. Tarittavannu on läs 52 000 (viittykymendy kahtu tuhattu) algupaikkua yliopistos da ammattikorgeiškolis.
Kuundele liziä Yle Areenassa: https://areena.yle.fi/podcastit/1-68425966
