Nedälin 13 Yle Uudizet karjalakse Yle Areenas

Ukrainan drounat iškiettih Primorskan neftiportah

Primorskan libo endizen Koiviston neftiportaspäi Suomenlahtel täl nedälil on levinnyh äijy savvuu. Sateliittukuvis nägyy, kui sagei mustu savvu leviey Ven’al savoin kilometrilöin piäh.

Ukrainan drounat iškiettih sežo jiänmurdajah Viiburis. Eestin medii omas puoles sanoi, gu Ven’an čuralpäi lendänyh drounu on puuttunuh Koillis-Eestis sijaiččijan Auveren voimulaitoksen trubah.

Helsingis alaigähine školaniekku iški veičel tostu školas ezmässargen. Tapahtus rodih Maatullin perusškolas Puistolan Tapulikaupungis.

Suomen Banku alendau Suomen talovuon kazvanduennustehtu Iranan voinan täh.

Suomele pidäs ližätä muahmuuttuo nelläsvuitil, gu ruadovägie täydys iellehgi. Dieloh näh tiijustettih verekses Eloikeinoeloksen tutkimuslaitoksen raportaspäi.

Azuttu intellektu voibi viijä lähivuozien aloh puolet algajien specialistoin ruadokohtis, ga ristikanzažuttu da vuorovaikutustu vuadijat ammatit pyzytäh endizelleh.

Suurin vuitti parluamentupuolovehis ezittäs karjalan kielen elvytystoimiloi tulieh halličusprogrammah. Puolovehet kannatetah sežo sellityksen luajindua ei-alovehellizes ičehallindos. Tämä tiijustettih Karjalan Heimo -lehten pietys kyzelys.

Kuundele ližiä Yle Areenas: https://areena.yle.fi/1-77192091