Kuuzi suomelastu objektua on vallittu EU:n strategizesti tärgielöin ruohkuainehprojektoin luvetteloh.
Kaivoksis keräl ollah Sotkamon Terrafame, Kaustizen Keliber da Sodankylän Sakatin kiistelty projektu, kudai sijaiččou Natura-suojelendualovehel. EU:n listale piäzendy ravevuttau luvitustu da kebjendäy dengoituksen suandua.
Oppozicii kannattau sežo Veikkauksen monopoulien ozittastu salbuandua da kižoin avuandua luvanvarahizele kilvale.
EU:n ajokartiuvvistuksen täh ajokartin voit tuliel aigua lad’d’ata telefonah.
Vualahan Pohjas-Pohjanmuale srojittu uuzi tyrmy on valmis. Tyrmy on nostettu moizen mallin mugah, kudamas istujat opastutah da käytetäh jogapäivähizen eloksen maltoloi.
Nestien yhtivökerähmö on hyllännyh yhtivön toimitusjohtajale ehoitetun ylen suuren kannustinpalkivon.
Eloikeinoeloksen valduskunnan tutkimuksen mugah suomelazet luotetah kodimualazeh medieh aijembua enämbäl.
Da vie lopukse suruviesti: šl’agerutiähti Tapani Kansa on kuolluh. Häi kuoli algunedälil omassah kodilinnas Kotkas 76 (seiččiekymmen kuuzi) -vuodizennu.
Kuundele liziä Yle Areenas: https://areena.yle.fi/podcastit/1-73056118
