Vantuan škola-ammundan taga-alal on olluh školakiuzuandu.
Školis muan eri čuril alalleh varustetahes mahtollizih škola-ammundutilandehih.
Puolen miljonan suomelazen tuvet ollah pienetty halličuksen leikkuandoin tulduu voimah ezmässargen.
Suomelazile pidäy harjavuo sih, gu ei kaikis kohtis sua enämbiä palveluu suomen kielel.
Veripalvelu on alganuh hepatiittu E -viirusan testiiruičendan verenluovuttajis verivalmistehien turvalližuon varmistamizekse.
Enimät suomelazet duumaijah, gu sangevus on ristikanzan omua vigua, nenga sanou Ylen Talovustutkimuksel luajitettu kyzely.
Kezävauhtirajoituksih siirdymine hätkestyy siän täh. Uvvenmuan, Kandu-Hämien da Päijät-Hämien dorogoil pideli siirdyö kezävauhtiloih kolmanpiän.
Da sanelemmo vie sih näh, gu liberiläzen Jouni Erolan otettu fotokuva on palkittu kanzoinvälizes luondokuvakilvas.
Kuundele ližiä Yle Areenas: https://areena.yle.fi/podcastit/1-70133665
