Socialialan ruadajien mugah dengoin da ruadajien vajavuttu nägyy palvelulois jo nygöi.
Halličus tahtou leikata 100 (sada) miljonua euruo socialialas, ga hyvinvoindualovehet ollah luajittu äijis kohtis jo omuagi siästyö. Monet ruadajat ollah huolevuttu aziekkazis da omas väis.
Päivittäsvaralaukoin mulloine hyvä tulos on nägynyh myöjien suaduloinnu tulospalkivoloinnu.
Suomelazien ruadomaltos da fiiziellizes ruandumaltos on suurdu eruo linnoin välil.
Alaselgyvaivois roittavua liägärikäyndiä da voimattomuslomal olendua voidas vähendiä selgiehgi, lajiteltas kivut da hoijettas niilöi sen mugah. Tämä tiijustettih Oulun yliopiston verekses tutkimuksespäi.
Suomelazil koditalovuksil menöy dengua vältämättömih menoloih enämbi, migu muijal Euroupas. Tämä tiijustettih perindy-yhtivö Intruman eurouppalazien kuluttajien maksoraportaspäi.
Mennyt nedälinlopun tehovalvondas policii otti iäres ajokartin läs 50 (viijelkymmenel) nuorel.
Nedälinlopun da algunedälin järilleh tulluh talvi on olluh jygei dielo äijih aigazih muttolinduloih näh. Enne kaikkie böbökönsyöjile vilu da lumehine siä voijah viija kuolendahgi.
Kuundele liziä Yle Areenassa: https://areena.yle.fi/podcastit/1-70524349
