Korgeiopastettuloin keskusjärjestön Akavan luajitun sellityksen mugah 12 (kahtentostu) kuun aloh Suomes on annettu rekordumiäry olendulubua EU- da Eta-alovehen ulgopuolelpäi tulijoile, ga eričysspecialistoile annetut ruadoluvat da korgien maltandutazon muahmuuton vuitti ruadoperäzes muahmuutos ollah vähenemäs.
Fatieruozakkehien kauppu alguvuvvel oli hil’l’aine.
Päivännouzurajan ylitändy mašinal kallistuu, konzu Suomen da Ven’an väline liikendehkaičussobimus lopeh oraskuun lopul.
Puaksum endisty muahmuuttai tahtou suaja ajokartin.
Äijät nuoret tahtotah muuttua elämäh hieruh endisty puaksumbah.
Nuorien liikkumizen vaikutustu mielentervehyöh on tutkittu Päivännouzu-Suomen yliopistos.
Syömisvirraston koiruregistru avavuu tuliel nedälil 8. (kaheksas) oraskuudu.
Valgošokkuhanhiloin kevätmuutto on jo lujas vauhtis. Suomeh on tulluh jo tuhanzii linduloi.
Kuundele ližiä Yle Areenas: https://areena.yle.fi/podcastit/1-65772057
Nedälin 38 karjalankielizet uudizet Yle Areenassa
Halličus on suannuh valmehekse omat nevvottelut tulien vuvven talovusarvivoezitykseh näh. Halličuksen b’udžiettuezitys on 11 (yksitostu) da puoli miljardua euruo alijiämähine. Kelan mugah halličusprogramman siästöt ollah vai ylen pieni vuitti kaikis sen maksettavis...
