Suomen halličus ezittäy zakonanmuutoksii, kudamien vuoh rajavardivolaitoksen alahizii rezervuniekkoi voidas poikkevustilandehis käskie valvonduruadoloih rajale.
Ezityksen mugah Rajavardivolaitoksen alahizii rezervuniekkoi sežo voidas työndiä kerdavusharjaituksih nygösty teriämbäh, vuadinou nenga tilandeh.
Suomes riičitäh huonuksii ylen ruttoh. Tävves kymmenes vuvves vuodizet riičindymiärät ollah ližetty läs kahteh kerdah nenga 8 000 (kaheksahtuhandessah).
Ruadajien aiguhisopastustuven pakiččijoin miärät kazvettih alguvuvvel puolitostukerdahizikse verraten mullozen alguh.
Suomen voimattomembat ristikanzat eletäh Pohjas-Savos da Pohjas-Karjalas, nenga sanou Tervehyön da hyvinvoindan laitoksen sellitys.
Vähimyölleh 10 000 (kymmenetuhattu) suomelastu joga vuottu suau borreliozutartundan. Puolele tartundan täh roih eriluadustu tavvinmerkii.
Tulli on pal’l’astannuh suuren tabakan peittokulletuksen piälinnan alovehel.
Kuopios on varrastettu lyhyön aijan aloh jo kolme julgistu pačastu.
Kuundele liziä Yle Areenassa: https://areena.yle.fi/podcastit/1-70765713
