Suomeh pidäy srojie uuzi suuri ydinvoimalu
Suomeh pidäy srojie uuzi suuri ydinvoimalu. Nenga sanou ilmasto- da ymbäristöministru Kai Mykkänen.
Tegoäly-yhtivön Silo AI:n perustajan Peter Sarlinan fondu sanou, gu sen dengoituksel avatah tegoälytutkimukseh keskittyjii professuuroi Suomen kolmehtostu yliopistoh.
Turkisala tahtou elättilöin ololoi parandajah azetukseh kai 20:n (kahtenkymmenen) vuvven siirryndyaijan.
Tokmannin luja pyrgimine Suomen syömislaukkumarkinoile ilaškoittau huovisverkon jovensuulastu perustajua, kauppunevvostu Kyösti Kakkostu.
Bankat ollah lujendettu fatierulaihinoin ehtoloi, ga ylen suuret laihinat ei olla harvinazet.
Kuolluzien pieni miäry on tuonnuh probliemua muahpanenduyrittäjile pienil paikkukunnil. Kaikile ei tävvy ruaduo.
Nuorien mielentervehys-čattu on ottanuh käyttöh čattubotan, kudamale nuori voibi paista sit, konzu palvelu on mennyh tukkuh libo se ei ole avvoi.
Kuundele liziä Yle Areenassa: https://areena.yle.fi/podcastit/1-73006634