Yhtysvallois republikuanoin prezidentakse-ehoitettuu Donald Trumpua on opittu peitoči tappua jo toizen kerran.
Mennyt pyhänpiän Trump oli kižannuh gol’fah omas gol’fkluubas Floridas sit, konzu turvalližuspalvelu huomai miehen oruužienke gol’fkentän agjal da ambui händy kohti. Mies oppi juosta pagoh, ga händy tavattih terväh.
Uvven peigalonarkoutiekan libo alfa-PVP:n käyttö on levinnyh ravieh Suvi-Suomes siirdäjen bokkah amfetamiinan uuliččukaupas.
Suomelazet enäm da puaksum endisty menetetäh dengua muanittelijoile. Uvvelmual policii on vakustannuh mahtollizis muanittelendois äijän kerdua sežo tänä vuon.
Suomes mielehizembät mašinanvärit ollah harmai, valgei da mustu. Syynny neččih suomelazien tylčevyön sijah puaksumbah on hindu.
Ilmaston lämbenemine ravevuttau lajikaduomistu Tunduri-Lapis. Jyväskylän yliopiston tutkimuksen mugah puaksumbi kazvilaji voibi roita varavonalazekse.
Loppukezän kuivu ilmu on pidänyh meččien grivat enimite peitos.
Kuundele liziä Yle Areenassa: https://areena.yle.fi/podcastit/1-71843913
