Suomelazien luottamus ulgopoliitiekan hoidamizeh on vähennyh.
Tämä tiijustettih Muanpuolistus-tiijoituksen planiiruičendukunnan kyzelys. Vastuajis 67 (kuuzikymmen seiččie) prosentua pidi Suomen ulgopoliitiekkua hyvin hoijetunnu.
Kela tavoittelou kymmenien miljonoin siästyö lähivuozien aigua. Siästyö opitah suaja paiči muudu vähendämäl miäryaigahistu ruadajua da karzimal ruadotiloi.
Suomelazis opastundulaitoksis tänä vuon on luajittu enäm viitty da puoldu tuhattu rikosilmoitustu.
Lapsiensuojelendan palvelutarbehen arvivoičendas on Suomes erähis kohtis vagavua hätkestymisty.
Muuttunuot eloksentavat nävytäh nuorien hammastervehyös pahoinnu merkilöinny. Nenga sanou Päivännouzu-Suomen yliopiston rahvahalistotutkimus.
Op-joukko vuottau, gu fatieroin hinnat nostah tulien vuon 2,8 (kahten pilku kaheksan) prosentan taktua.
Rastavanliikendehen bilietöin myöndy on menemäs jo lujua vauhtii. Raviembakse päiväkse sanotah piätteniččiä enne rastavannedälii.
Kuundele liziä Yle Areenassa: https://areena.yle.fi/podcastit/1-72691597
