Parluamentan sociali- da tervehysvalličendukundu on suannuh valmehekse omat duumavot uvves niistielöinpalveluzakonas.
Zakonas on jiämäs iäres kiistua viritännyh eloksenvaiherajuandu.
Valličendukunnan duumavo bolniččuverkon uvvistukses sežo on valmistunnuh. Ehoituksen mugah nygöine eričysvoimattomanhoijon ymbärisuutkahine päivystys salvattas Kemis, Oulaizis, Salos da Savonlinnas.
Suomen kanzalaine on mennyh Suomen da Ven’an rajas piäliči luvattah Imatral Suvi-Karjalas. Dieloh näh sanelou Rajavardivolaitos.
Monen taloiyhtivön talovustilandeh on pahennuh äijälgi. Ligakuun loppussah oli pakittu bankrotakse 55 (viizikymmen viizi) taloiyhtivyö.
Hukkih kohtavutah Suomes yhtenjyttyöh, kui ennegi, hos hukkien kandu on kazvanuh.
Suomelazet tänä vuon käytetäh Rastavan piendäh keskimiärin 560 (viizisadua kuuzikymmen) euruo, sanou Nordea.
Kuundele liziä Yle Areenassa: https://areena.yle.fi/podcastit/1-72763252
