Auto- da kulletusalan ruadajienliitto AKT lähti zabastoukale kolmanpiän, konzu ruadoriidah ei löydynyh piätösty.
Tehnolougiitevolližus da kaupan ala aijemba nevvoteltih sobimuksih näh, kudamat nostetah mollembien aloin palkoi kaikkiedah 7 (seiččemal) prosental.
Luondokado libo luonnon monimuodožuon kaidenemine on risku Suomen liikehelokseh da hyvinvoindah niškoi, nenga arvivoijah talovuon specialistat.
Muahmuuttovirrasto tahtou kebjendiä ulgomualazien vahnembien mahtoloi eliä omien lapsienke Suomes.
Suomeh tulijat ven’alazet mašinalajajat terväh tarvitah erillizen rajaliikendehkaičuksen.
Suomen Ruskien Ristan luajitetun yksinäžysbarometran mugah enimite nuorien da nuorien aiguhizien ahtingo ei ole kebjennyh jälgimäzen vuvven aloh.
Syömisvirrastole äijät ollah työtty omii mielii tulies koiranregistras jo enne sen käyttöhotandua. Suurin vuitti suadulois yhtevyönottolois on olluh negatiivizii.
Kuundele ližiä Yle Areenas: https://areena.yle.fi/podcastit/1-65155991
Nedälin 38 karjalankielizet uudizet Yle Areenassa
Halličus on suannuh valmehekse omat nevvottelut tulien vuvven talovusarvivoezitykseh näh. Halličuksen b’udžiettuezitys on 11 (yksitostu) da puoli miljardua euruo alijiämähine. Kelan mugah halličusprogramman siästöt ollah vai ylen pieni vuitti kaikis sen maksettavis...
