Toizen tiipan diabiettu on roinnuh ylehizekse lapsil da nuoril.
Diabietturegistran mugah Suomes on nenga sada alaigähisty, kudamil on toizen tiipan diabiettu. Kymmenet heis suajah tavvin hoidoh niškoi Kela-korvattuu rohtohoiduo, arvivoiččou Diabiettuliiton specialistuyliliägäri Elina Pimiä.
Akcii- da dengastovälittäjän Nordnetan digitualizien palveluloin probliemoin viga on tiijustettu. Tossargen probliemu rodih Nordnetan mugah erähän ohjelmistokomponentan täh, konzu opiit kirjuttukseh sistiemah.
Pohjas-Savon paikallizes suvvos Kuopios kačellah kahten nedälin aigua Suomen zakonattomua suurih zvierilöih liittyjiä mečästysrikoskogonažuttu. Viäritetynny tapahtukses on 31 (kolmekymmen yksi) miesty, kudamii ebäilläh paiči muudu hukkien, ilveksien da ahmoloin zakonattomas mečästykses.
Halličus tahtou kebjendiä piäl 65 (kuuzikymmen viizi)-vuodizien piäzendiä ylehisliägärih. Tuliel syvyskuul algavujas eksperimentas 65 (kuuzikymmen viizi) vuottu täyttänyh suas vallita, menöygo häi ylehisliägärih yksittäzele vai julgizele puolele.
Sociali- da tervehyönhuollos työttylöin žualoboin miäry on ližennyh.
Pellervon talovustutkimus ennustau vahnoin kerrostaloloin fatieroin hinnoin nouzendan tänä vuon 1,5 (yhtel pilku viijel) prosental.
Kuundele liziä Yle Areenassa: https://areena.yle.fi/podcastit/1-73056103
