Euroupan komissii on hyväksynnyh Suomen tuven suurile puhtahan siirdymän investiiruičendoile.
Suomi tahtou verohyvityksen vuoh tugie suurii investiiruičenduprojektoi, gu tevolližus teriämbäh siirdys kohti ilmastoneitraližuttu.
Maksohäirivölöin miäry mulloi kazvoi ylen äijäl. Vuvvennu 2024 kirjattih nenga kaksi miljonua maksohäirivömerkičendiä, muga sanou Aziekastiijon statistiekku. Se on enämbi, migu konzutahto enne 2020-luvul.
Suomen suurin julgizien aloin ammattiliitto JHJ jatkau Tevolližusliiton ruadotorien tugemistu. Tulien ezmässargen liitto zavediu uvven joganedälihizen käzittelysuarron, kudai kestäy viizi päiviä.
Päivittästavarulaukkoi koskii zabastoukku algavui kolmanpiän aijoi huondeksel. Palvelualoin ammattiliitto PAM da Kaupan liitto ei piästy tossargen sobuh ruadoehtoloih näh.
Kuolenduozattomuksien miäry dorogoil on vähennyh jälgivuozien aigua.
Fatieroin srojimizen vähenendy jatkui mennyt vuvven loppunelländeksel. Statistiekkukeskuksen mugah eländyhuonuksile annettuloin srojimislubien kubometrumiäry väheni 12 prosental ennemullozes.
Suuren peittomečästysviihtin kaččelendu lopeh piätteniččän Pohjas-Savon paikallizes suvvos. 31 miesty viäritetäh paiči muudu tylgielöis mečästysrikoksis.
Kuundele liziä Yle Areenassa: https://areena.yle.fi/podcastit/1-73056105
