Uutiset

Petroskoil juohateltih Karjalan kielen päiviä

Kirjoittanut: Toimitus
Julkaistu: 7.12.2020

Petroskoin kafeeh kerdyi karjalazii pagizemah muamankielel Suomes piettävän Karjalan kielen päivän kunnivokse.

Suomes piettävy Karjalan kielen päivy 27. kylmykuudu oppiu hil’l’akkazin juurduo Karjalan tazavaldah. Tämän eistäjänny edehpäi ollah Karjalan kielele – virralline stuatussu -VK-sivun aktivistat. Hyö jo kolmattu vuottu potakoijah meijän puolen karjalazii yhtevyksii juomah sinä piän bes’oudučuajuu yhtes pruazniekan kunnivokse da toivotah, ku se tulou Karjalan tazvaldahgi virrallizesti.

Pienehkö karjalaizien aktivistoin joukko ruohti “koronan” aijal kerävyö mennyt piätenčän Petroskoin Ilma-kafeeh šipainiekku-stolah pagizemah vereksembii uudizii. Karjalazien IX kerähmön vallittuloin nevvoston paginanvedäi Raisa Samodajeva viestitti, ku kielistuatusan kyzymys tuaste, jo kudamuagi kerdua, on lähtemäs Karjalan parluamentah da Karjalan Konstituustien toizien muutoksienke ruvetah šeikuiččemah sidägi. Kieliaktivistu Natalja Antonova ezitti oman kniigan “ABČ. Askel kohti karjalan kieldy”, kudamas suau tiijustua, kui vois opastua lapsii karjalan kieleh nygyaigazes elaijas. Natalja kerdoigi, kui piettih Karjalan kielen nedälii Suomes, Karjalan Sivistysseuran da Päivännouzu-Suomen yliopiston väil. Piälimäzii täs on olluh karjalakse kirjuttamine soomeh (sotsiuallizeh mediah) da Karjalan Sivistysseuran internetsivun Uudisčuppuzeh, myös karjalažuon kyzymyksien nostandu Suomen mediah. Suomes Karjalan kielen päiviä pietäh vuvves 2016 algajen.

Meigävellen puolen suavutuksekse pandih Runola-kalenduaran julguandu vuvvekse 2021. Tulii vuozi tulou meijän tazavaldah Karjalazien runoloin vuvvekse. Se on tovistettu Karjalan piämiehen miärävyksel. Karjalazet muzikantat Aleksandr Leonov da Polina Vorobjova soitettih karjalazien runoloin vuvven da Karjalan kielen päivän kunnivokse.

Teksti: Šallun Anni, Oma Mua 2.12.2020
Foto: Andrei Osipov. Raisa Samodajeva (oigiel) da Natalja Antonova Karjalan kielen päivän kunnivokse vastavuttih Petroskoin kafees da ihastettih uudizel. Ukko-ylijumal ezittäy Runola-kalenduarua. Runola-muan kummallizinnu eläjinny ollah toizien keskes Kipinätär, Tuoni da Osmotar-piivon seppy. Projektan juohattai on muzeinruadai Tatjana Berdaševa, tekstoin valliččii da kiändäi – Maikki Kundoz’orova.

Lue nämäkin:

Viikon 14 karjalankieliset radiouutiset Yle Areenassa

Viikon 14 karjalankieliset radiouutiset Yle Areenassa

Suomessa valmistaudutaan jo koronaepidemian jälkeiseen aikaan. Koronaepidemian jyllätessä influenssatartuntojen määrä on romahtanut. Hallituspuolueet ovat eri linjoilla siitä pitäisikö tämän kuun kehysriihessä tehdä sopeutuspäätöksiä. Suurin osa kotien muovijätteestä...

Tanšši on šilta kantatuattojen viisahuošta nykymuajilmah

Tanšši on šilta kantatuattojen viisahuošta nykymuajilmah

Pitän paussin jälkeh Venäjällä vähitellen alettih antua lupua konserttien ta festivalien pitämiseh. Viime vuotena kulttuuri ta taito šiirryttih internettih ta kaččojat ruvettih ikävöimäh elävyä musiikkie ta niitä tuntehie, kumpasie voipi šuaha vain elävien esitykšien...

Mikä on Uutisčuppu?

Uutisčuppu – Uudisčuppu on Karjalan Sivistysseuran uusi ajankohtaiskanava. Julkaisemme tällä sivustolla kiinnostavia uutisia ja tietoa tulevista tapahtumista.

Tilaa uutisviesti

Tilaa sähköpostiisi ilmoitukset uusista artikkeleista.