Uutiset

Mies ja lapsi tekevät käsitöitä kun ympärillä ihmiset seuraavat heitä

Tverin karjalazien päčis hiili ei sammu

Kirjoittanut: Toimitus
Julkaistu: 24.8.2022
Asiasanat: Tver, Tolmatši

Mennyt suovattan, 20. elokuudu, Tverin alovehel Tolmačun kyläs piettih VI Karjalazen piiruan Kalitka-festivuali, kudaman simvolannu on kuulužu karjalaine pastos – šipainiekku. Suureh pruazniekkah tuli äijy rahvastu Tverin alovehel da sen ulgopuolelpäi.

Tämän vuvven festivualin eričyksenny oli se, ku sen piendykohtah oli luajittu hyvät da mielužat huogavočuppuzet hurstiloil katettuloin laučoinke da heinymatrasoinke, mi andoi gostile ližiä perehpruazniekan tunduo. Vie erähii eričyksii oli se, ku tämänvuodizeh festivualih piädykauti tuli ylen äijy Karjalan tazavallan tavallistu eläjiä.

Festivualin aigua täčöitävvis myöndykohtis sai oppie da ostua kuulužua tverilästy marmeluadua, metty, vuassua, a mi oli šipainiekkua eri syväimienke, ei sua ni sanuo maltua. Festivualin luadijat on lugiettu, ku sinäpiän oli syödy läs 22 tuhattu šipainiekkua.

Tyttö antaa pojalle karjalanpiirakoita

Kalitka-festivualis oli syödy läs 22 tuhattu šipainiekkua.

Pruazniekkurahvas, ket tahtottih, voidih luadie oma šipainiekku kilvas, libo opastuo padaniekan da sepän ruadoh nerokkahil käziruavonmuasteriloil. Ga suuri dielo on se, ku Tverin mual endizelleh kuuluu karjalan kieli! Vilušta hiileštä tulda ei šua šuaha – sanou tveriläine sananpolvi. Tämänhäi karjalazen päčin hiili tottu ei sammu, se joga vuottu ihaškoittau rahvastu uvvel pastetul “Šipainiekal”.

Tverin karjalazet, meijän sugulazet, histouriellizien syylöin periä jätettih oma mua 405 vuottu tagaperin, ga ozuttahes buito ei ammui myö olemmo eronnuh heijänke, moine lämmy da sydämelline vastahotandu oli ižändöin puoles, hyö rakkahal pajatettih da tansittih meijänke, yhtes vesseläh viettih kruugua.

Teksti: Natalja Gromova, Oma Mua 24.8.2022
Foto: Margarita Kemppainen

Lue nämäkin:

Nedälin 16 Yle Uudizet karjalakse Yle Areenassa

Nedälin 16 Yle Uudizet karjalakse Yle Areenassa

Suomen halličus piäzi kehysriihes kolmen miljardan euron siästötavoitteheh. Läs puolet siästölöis kerävytäh leikkuandois da puolet veronnostandois. Suurin vuitti veronnostandois roih ylehizen arvonližäveron nostamizes 25,5 (kahtehkymmeneh viideh pilku viideh)...

Yle Uudizet karjalakse: Kalevan kižat pietäh Poris 2027

Yle Uudizet karjalakse: Kalevan kižat pietäh Poris 2027

Piäkuva: Iellizen kerran Kalevan kižat organizuittih Poris vuvvennu 2015. Arhiivukuva. Kuva: Tapio Pukkila / Yle Pori sai piettäväkse ylehissportan Kalevan kižat vuvvennu 2027. Neččih dieloh näh suovattan piätti Suomen Sportuliiton liittovaldivosto. Yle Uudizet...

Mikä on Uutisčuppu?

Uutisčuppu – Uudisčuppu on Karjalan Sivistysseuran uusi ajankohtaiskanava. Julkaisemme tällä sivustolla kiinnostavia uutisia ja tietoa tulevista tapahtumista.

Tilaa uutisviesti

Tilaa sähköpostiisi ilmoitukset uusista artikkeleista.