Piäkuva: Kanervalan školua 1.–5. kluasoil käyjät voijah vallita, siirrytähgo hyö tuliel sygyzyl Tulliportin normuališkolah vai kodiadresin mugahizeh lähäzeh školah. Kuva: Emilia Korpela / Yle
Päivännouzu-Suomen yliopiston harjaitteluškola on ottamas omah vastuoh anglien kieleh painavujan opastandan.
Anglien kieleh painavui perusopastus on säilymäs Jovensuus.
Linnu on nevvottelemas opastuksen organizuičendas Päivännouzu-Suomen yliopiston harjaitteluškolanke. Tavoittehennu on, gu Tulliportin normuališkola tariččis anglien kieleh painavujua opastustu opastunduvuvves 2025–2026 algajen.
Oli varavuo, gu anglien kieleh painavui opastus loppietah, konzu Jovensuun linnanvaldivosto piätti salvata opastandua organizuinnuon Kanervalan školan vuvvennu 2025.
Yle Uudizet karjalakse Yle Areenassa: https://yle.fi/a/74-20113363
