Yle Uudizet karjalakse: Kuuzi tevostu tavoittelou uuttu Karelia-kirjalližuspalkinduo
Uvven Karelia-kirjalližuspalkindon ehoitetut on jullattu.
Palkindon andau Karjalazen kul’tuuran eistämisfondu. Voittajan valliččou Helsingin Sanomien endine piätoimittai Reetta Meriläinen.
Finualah piästih Camilla Nissinen omal tevoksel Rihmasto, Riko Saatsi tevoksel Yönistujat, Miina Supinen tevoksel Kultainen peura, Tuomas Lius tevoksel Rikottu rintama, Susanna Åke tevoksel Eläjä da Heikki Turunen tevoksel Kuikan vuosi.
Yle Uudizet karjalakse: https://yle.fi/a/74-20199839
Suomes joga vuottu hommatah läs 1,4 miljonua rastavankuustu
Lumehine rastavalline ilmu vaikuttau kuuzien myöndäh ylen äijäl.
Suomes rastavankuuzien myöndy ravenis äijälgi, olis muas enämbi lundu. Nenga arvivoiččou STT:le paginanvedäi Timo Kauppila rastavanpuuloin kazvattajii evustajas Rastavanpuusebraspäi.
Yle Uudizet karjalakse: https://yle.fi/a/74-20199832
Yksinhuoldajat da ruavahat raviembii temuttajii
Kuluttajaliiton kyzelys nägövih nouzi huoli tuottehien turvalližuos.
Ruavahat da yksinhuoldajat käytetäh enäm muidu moizii Euroupan ulgopuolizii verkolaukkoi, kui ezimerkikse Temuu da Sheinua, nenga sanou Kuluttajaliiton kyzely. Sen sijah nuoret ei olla moizet raviet ostajat EU:n ulgopuolizis verkolaukois.
Yle Uudizet karjalakse: https://yle.fi/a/74-20199836