Uutiset

Kaksi miestä ja yksi nainen metsässä. Mies soittaa kanteletta, nainen soittaa koskettimia ja laulaa.

“Igäine unohtus” taistelou voitošta Amerikašša

Kirjoittanut: Toimitus
Julkaistu: 4.2.2022
Asiasanat: musiikki

Karjalaisen Ilmu-ryhmän musiikkivideo piäsi New Yorkin kinofestivalin ohjelmah.

Karjalaisen Ilmu-ryhmän Igäine unohtus-musiikkivideo piäsi New Yorkin MEIHODO-kinofestivalin ošanottajien lukuh Paraš musiikkivideo-nominatijošša.

Kinofestivalin järještäjät šuatih monta tuhatta anomušta koko muailmašta. Hyö valittih parahie töitä. Festivalin kokonaispalkintorahašto ylittäy 100 tuhatta Yhyšvaltojen dollarie.

Tänä vuotena MEIHODO-kinofestivalin arvoštelijakuntah kuuluu Oscarpalkinnon kakšikertani omistaja Michael Douglas šekä kiinalaini šäveltäjä Tan Dun, kumpani šai Oscar-palkinnon kirjutetušta musiikista filmih “Hiipijä tiikeri, piilotettu drakoni”.

– Še on niin miellyttävä uutini! Piäššä noin šuuren festivalin ošallistujien lukuh on šuuri šuavutuš. “Igäine unohtus” kertou ajan loppumattomašta kierrošta, kumpasešša jokahini elävä olento eläy hyvin lyhyön ajan. Ka ihmini on luoja. Hänen taito on esitetty musiikkivideošša kallivopiirrokšien muuvvošša, kumpasissa šäilyy muisto entisistä ajoista. Videon ošanottajat ollah kallivopiirrokšien malliloina ta vain yksi kolmešta on ihmini. Karjalan ainutluatuni luonto čukelluttau kaččojie täh šamaniritualih. A kuvuajan hyvä ruato ta tietokonehgrafikka luajitah meijän pientä filmie kaunehekši ta unohtumattomakši, kerto Ilmuprojektin luatija Tatjana Tkačenko.

Voittajien palkiččomisseremonija pietäh New Yorkissa 22. tuiskukuuta.

Karjalaini Ilmu-ryhmä ilmešty 2010-luvun alušša. Še šoittau musiikkie kantelella ta jouhikolla šekä toisilla kanšallisilla šoittimilla folk-trip-hop-tyylissä, ta laulau luatijan lauluja livvinkarjalakši. Innoššušta omah tuotantoh laulajat ta šoittajat šuahah Karjalan luonnošta, pohjoismuan mahtavašta ta mistisešti ihmetyttäjäštä kaunehuošta.

Teksti: Oma Mua, 2.2.2022
Foto: https://vk.com/ilmu_band

Lue nämäkin:

Školaniekoile kezälomal taritah ilmastu murginua Turrus

Školaniekoile kezälomal taritah ilmastu murginua Turrus

Ilmastu syömisty on tarittavannu Pansios da Halizis. Kuvituskuva. Kuva: Kristiina Lehto / Yle Turrun linnan mugah pagin on eksperimentas, kudaman vuoh tahtotah tugie lapsiperehii. Kezälomal olijoile lapsile da nuorile taritah Turrus ilmastu lämmiä syömisty. Turrun...

Mikä on Uutisčuppu?

Uutisčuppu – Uudisčuppu on Karjalan Sivistysseuran uusi ajankohtaiskanava. Julkaisemme tällä sivustolla kiinnostavia uutisia ja tietoa tulevista tapahtumista.

Tilaa uutisviesti

Tilaa sähköpostiisi ilmoitukset uusista artikkeleista.