Keskusrikospolicii jatkau Eagle S -laivan tutkindua
Ebäilläh, gu laivu olis vahingoitannuh Suomen da Viron välil kulgijua sähkökuabelii Rastavan.
Sociali- da tervehysministerstvas parahite miäritelläh, mittumua palveluu da hoiduo julgine tervehyönhuoldo tariččou da mittumua ei.
Opastujien talovus on endisty heikombi tulien vuon. Vuograt nostah ruttoh, da yhtelaigua enimil opastujil eländän tuven miäry vähenöy tulies sygyzys algajen.
Suomes on kuolluh tänä vuon poikkevuksellizeh äijy lastu. Statistiekkukeskuksen mugah tänä vuon on kuolluh yheksä lastu liikendehozattomuksis, konzu mulloi kuolluttu oli yksi.
Liägärivertol’otat ollah alihyövyndetyt Suomes. Niilöin ruandas olis mahtuo suaja enäm hyödyy paremban toimindanohjuandan vuoh.
Suomen suurin kandelehenluadii “Koistinen Kantele” on menemäs bankrotakse. Sen bankrotakse panijannu on Verohallindo.
Da toivotammo lopukse hyviä uuttu vuottu kaikile!
Kuundele liziä Yle Areenassa: https://areena.yle.fi/podcastit/1-72865156
