Nedälin 10 Yle Uudizet karjalakse Yle Areenas

Viizi hengie somaliperehespäi kuoli tulipalos Vantual

Vantual viizi hengie on kuolluh kerrostaloin fatieras roinnuos tulipalos. Tulipalos kuoli somalitagalaine pereh: kaksi aiguhistu sego kolme-, kuuzi- da kaheksavuodizet lapset.

Vantuan tulipalo on nostatannuh huolevundua kerrostaloloin paloturvalližuos.

Suurin vuitti suomelazis ei tiijä, midä roih vastinehen omažuonke, kuollou mučoi libo ukko.

Yhtysvalloin da Izrael’an voinutoimet Iranua vastah ollah jatkuttu kaiken nedälin.

Euroupan muat evakujiiruijah omii kanzalazii Lähi-päivännouzun alovehelpäi.

Neftin hindu on nossuh selgiehgi sen jälles, konzu Yhtysvallat da Izrael hyökättih Iranah.

Päivännouzu-Suomen yliopisto algau tänä keviän kehittia karjalan kielen nygyaigahistu verkosanakniigua. Suomen Kul’tuurufondu on andanuh sanakniiguprojektah niškoi 200 000 (kaksisadua tuhattu) euruo dengoitustu kolmekse vuottu.

Kuundele ližiä Yle Areenas: https://areena.yle.fi/1-77183102