Ukrainan prezidentu Volodimir Zelenskoi kävyi Suomeh
Häi tuli Suomeh oman mučoin Olena Zelenskajanke tossargen ehtäl. Kolmanpiän Zelenskoi vastavui Alexander Stubban kel. Prezidentat paistih prezidentanlinnas paiči muudu Suomen tugeh näh Ukrainale.
SDP jatkau suvaittavembannu parluamentupuolovehennu, nenga sanou Helsingin Sanomien mielenpidehmiäriändy.
Nuorien kiinnostus poliitiekas on kazvanuh kahteh kerdah 30 vuvven aigua. Dielo tiijustettih täl nedälil jullatus Nuorižobarometraspäi, kudai tutki täl kerdua nuorien kohtavundan muutoksii 1990-luvulpäi nygözeh päivässäh.
Suomelazet nygöi siästetäh syömizih liittyjis menolois hinnoin nouzendan täh. Tämä tiijustettih Kuluttajanliiton vuvvenvaihtos luajitetus kyzelys.
Perustoimehtulotuven kiriständy vei mulloi 33 000 muuttokehoitukseh Kelal. Enäm muuttokehoitustu annettih Helsingis, kus 5 900 koditalovuttu sai kehoituksen muuttua huogehembah fatierah.
Žestipolicien välähtykset ollah roittu Suomes endisty harvinazembikse da automuattizen liikendehvalvondan miäry on viijes vuvves romahtannuhes. Policien mugah kaikkii ylivauhtiloi ei maksa kuvata, sendäh gu ruadajat ei ehtitä kačella kaikkii tapahtuksii.
Tämänvuodizen Minna Canth -taza-arvotunnustuksen sai lapsiaziivaldavutettu Elina Pekkarinen. Jyväskylän yliopiston opastajanopastuslaitos andau tunnustuksen tärgies, opastuksellizen taza-arvon hyväkse luajitus ruavos.
Kuundele liziä Yle Areenas: https://areena.yle.fi/podcastit/1-73056114
