Pyhänpiän piettävien aloveh- da kunnanvalličuksien ennepäi-iänestys on loppenuhes
Edukyndeh iänesti enäm miljonua suomelastu. Nämmien alovehvalličuksien ennepäi-iänestys oli raviembi, migu mennyzis alovehvalličuksis.
Liikendeh- da viestindyministran Lulu Randien mugah ajokartin poikkevusluvan andamizen iellytyksii tarkistetah. Igärajua yhtelläh ei olla muuttamas nygözes 17 (seiččemestostu) vuvves.
Ylehizen eländytuven leikkuandoin täh rodih vaigevuttu hierun vähävarazil taloloin omistajil.
Yhtysvalloin läs kaikile muailman mualoile panduloin tuondutarifoin tarkoituksennu oli astuo voimah täyzimiärähizesti kolmanpiän.
Suomen riistukeskus on pannuh käymäh kondienturvallizien jätehkonteineroin testiiruičendan.
Suomelazien luotto perusškolan luaduh on heikennyh selgiehgi aijembah verraten. Tämä tiijustettih Eloikeinoeloksen valduskunnan Evan luajitetus kyzelys.
Kuundele liziä Yle Areenas: https://areena.yle.fi/podcastit/1-73056130
