Suomen halličus piäzi kehysriihes kolmen miljardan euron siästötavoitteheh.
Läs puolet siästölöis kerävytäh leikkuandois da puolet veronnostandois. Suurin vuitti veronnostandois roih ylehizen arvonližäveron nostamizes 25,5 (kahtehkymmeneh viideh pilku viideh) prosentassah.
Hammasliägärilöin palkivot ollah kazvettu äijälgi kaksiezen jälgimäzen vuvven aigua.
Statistiekkukeskuksen mugah kuluttajanhinnoin vuozimuutos oli kevätkuul 2,2 (kaksi pilku kaksi) prosentua.
Veroittajan mugah talovustilandehen heikkenemine nägyy talovusrikoksien, bankrotoikse menendän da verovellan miärän kazvandannu.
Luonnonmuarjoin, -grivoin da -sienien keriändäs suadu tulo mulloi pieneni läs puolel iellizeh vuodeh verratunnu.
Suomelazien mielenkiindo kezän EU-valličuksih on kazvanuh 20 (kahtelkymmenel) prosentuyksiköl mennyzien eurovalličuksien ennakkosellitykseh verratunnu.
Puolistusvoimat ollah ostettu naizile b’ustgalterat. Net ostettih tazapuoližuon periä.
Nuoret suvaijah moizii vahnoi mašinoi, kui BMW, Mersedes da Volvo.
Kuundele liziä Yle Areenas: https://areena.yle.fi/podcastit/1-70289697
