Yle Uudizet karjalakse: Kierdäjii perehhoidajii ei tävvy.
Kierdäjäs perehhoijos hoidai tulou vahnan ristikanzan kodih ezimerkikse omahishoidajan vällän aijakse sen sijah, gu hoijettavu siirdys hoidolaitokseh. Enimite mustovoimattomile tuttu ymbäristö on tärgei.
Suomen meččih pidäy ližiä ulgomualastu ruadovägie. Tämä tiijustettih verekses Meččymiehien fondan dengoitetus sellityksespäi.
Kodihoijos olijua vahnua on puuttunuh seksualirikoksien žertvoikse Suomes. Ylen sellitettylöin tiedoloin pohjal Hämien policii tutkiu moizii tapahtuksii, kudamis ebäilläh, gu kaksi kodihoijos olijua vahnua on joudunuh seksualirikoksien žertvoikse mulloi da tänä vuon.
Merivardivosto on dogadinnuh jälgiaigua Suomenlahtel äijän laivua, kudamien flaguvaldivo ei olluh selgei. Merivardivoston mugah laivat kuulutah Ven’an muga sanottuh pimieh laivastoh.
Halličus arvivoiččou, gu ei pehottumiinoi voi korvata toizil oruužieloil nygözes mualmantilandehes.
Suomelazet nostih mulloi teräsijoile eläkehfondoin kanzoinvälizes verdailus.
Kuundele liziä Yle Areenas: https://areena.yle.fi/podcastit/1-73056134
