Yhtysvallat tahtotah ostua Grönlandien
Yhtysvalloin ulgoaziiministru Marco Rubio sanou, gu mua ei planiiruiče vojennoidu hyökkävysty Grönlandieh.
Yhtysvallat da Euroupan muat uskaldettih tossargen Pariižas Ukrainale sidojat turvugarantiet vuitinnu mahtollistu rauhansobimustu.
Tiä kodimuas hyvinvoindualovehien kohtavundas alkohol’utaričendoih on suurdu eruo. Dieloh näh tiijustettih Ylen hyvinvoindualovehih näh luajitus tiedopakičendas.
Uvvenluaduzet 2D-koudat ollah roimas ylehizikse laukoin tuottehis.
Koinkonehien kohendajii ei tävvy Suomes. Huoldoliikkehii on salvannuhes eigo ni uuzii kohendajii ole opastettu piäl kymmeneh vuodeh.
Sanomalehti Karjalainen on palkinnuh kirjailijan Riko Saatsin vuvven kul’tuururuado 2025 (kaksituhattu kaksikymmen viizi) -palkindol. Mulloi Saatsi julgai omassah enzimäzen romuanan Yönistujat, kudai oli kaunehkirjalližuon Finlandia-palkindon ehoitetunnu.
Karjalan kielen komissii algau oman ruandan Kodimualazien kielien keskukses pakkaskuul. Enzimäzel toimikavvel komissien ruavonnu on paiči muudu karjalan kielitilandehen da karjalan kielen elvytysprogramman toimenpidehien sebruandu sego karjalua da sen käyttyö koskijoin nevvoloin andamine.
Kuundele ližiä Yle Areenas: https://areena.yle.fi/1-77063566
