EU-valličuksien ennepäi-iänestys algavui kolmanpiän.
Sit päiväs algajen iänestiä edukyndeh voit kui kodimuas, mugai ulgomual. Varzinaine valličuspäivy on tuliel nedälil 9. (yheksäs) kezäkuudu.
Syömizet ruvetah huovistumah tänä vuon, nenga arvivoiččou Luonnonvarakeskus.
Valgeikoskel 15 (viizitostu)-vuodizen tytön tapandas ebäilty mies on pandu tyrmäh.
Nelli hyvinvoindualovehtu yhtes pakiččou abuu hoidajien vajavuoh ulgomualpäi.
Vuograttavil sähköpotkulavvoil iellytetäh liikendehkaičussobimustu tulies suovatas libo kezäkuun allus algajen.
Oraskuu on olluh lämmin da kuivu. Kazviloile jo äijäl pidäs vetty.
Tänä vuon Saimual on löytty jo 24 (kaksikymmen nelli) kuolluttu saimuann’orpua
Terväh zaveditahes školaniekoin lomat. Nygöi äijäs perehes duumaijah, kui pienien školaniekoin hoido organizuijah sit, konzu vahnembat ollah ruavos.
Kuundele liziä Yle Areenassa: https://areena.yle.fi/podcastit/1-70995182
