Halličus on suannuh valmehekse tulien vuvven b’udžietan.
B’udžiettu on 88,8 (kaheksakymmen kaheksa pilku kaheksa) miljardua euruo. Arvivo tulolois on alennuh keviäs da nygöi on 76,6 (seiččiekymmen kuuzi pilku kuuzi) miljardua.
Ylen kyzelyh vastannuzis kanzanevustajis enämbistö ei hyväksy hyvinvoindualovehien miärän karzindua.
Halličus ezittäy kielduo ven’alastagalazele kiindehistökaupale Suomes. Varzinazes zakonanezitykses yhtelläh ei mainita Ven’ua.
Enzihoijon ruadoloin lugumiäry on äijälgi vähennyh Suomes.
Verohallindo vähendäy äijälgi ruadajii enzimästy kerdua omassah histourien aigua.
Keskusrikospolicii ebäilöy kai kymmendy Pohjas-Karjalan hyvinvoindualovehen virranhaldijua huolenpidämättömyös.
Policii on alganuh ezitutkindan Stora Enson mahtollizes luonnonsuojelendurikokses liido-oravien pezindyalovehel Keski-Suomes.
Suomen gimnuazielois opastujat ven’alazet nuoret tullah tänne jiädäväkse. Suurin vuitti ven’alazis jiäy Suomeh libo opastumah, libo ruadamah.
Kuundele liziä Yle Areenassa: https://areena.yle.fi/podcastit/1-71753447
