Suomen rahvahanlugu voibi kazvua läs kuudeh miljonassah vuvvennu 2040.
Nenga roih, jatkunou muahmuutto terävuozien tazol. Muga arvivoiččou alovehkehitändän konsul’tutoimisto MDI.
Päivykodiloin ilmanpuhtastandu vähendäy lapsien voimattomuksii läs viijesvuitil, nenga sanou uuzi suomelaine tutkimus.
Alkohol’an myöndyrajoituksien purgamine eistyy edehpäi.
Meččyhalličuksen mugah kruakkuloin libo jogihavvinkukkaroloin teriämbäzet pellastusruavot on suadu loppuh Suomussalmen Hukkajovel.
Ymbäristöjärjestö Greenpeace pidäy meččyalan ruandua luonnon monimuodožuon turvuamizekse vajuannu.
Eloikeinoeloksen keskusliitto pani käymäh kolmanpiän Autetaan Ukraina talven yli -lahjukerävyksen, kudaman tavoittehennu on kerätä energiituotandon laittehii da kalustuo.
Hätken jatkunuh lämmin siä voibi viijä merkittävih böbököin kuolendoih mečis.
Kuundele liziä Yle Areenassa: https://areena.yle.fi/podcastit/1-71821799
