Ennustuksien mugah talovus kiändyy kazvandučurah tulien keviän aigua.
Uskotah sežo, gu ruavolližustilandeh paranou hil’l’akkazin. Tämä tiijustettih ruado- da eloikeinoministerstvan raportaspäi da ruadovägibarometraspäi.
Suomi on konfiskuinnuh Ven’an valdivon omistettavii fatieroi da kiindehistölöi piäl 35 (kolmenkymenen viijen) miljonan euron arvos. Konfiskuittuu kohtua on nenga nellikymmen, da net sijaijah Turrus, Helsingis, Siuntios da Ahvenanmual.
Suomelazet lihayhtivöt Atria da HKFoods zaveditah siibikarjanlihan viendän Kitaih.
Nuorih kohtavuu endisty enämbi vägivallan varavuo, sanou nuorižorikolližuskyzely.
Kanzalazien tervehystiedoloi opitah ongittua puaksum endisty. Tavanmugaine dielo on tiedoloin kalastandu vijattoman nägözil sähköpoštuviestilöil.
Verokartiloin voimahtulendan aigu muuttuu.
Kuundele liziä Yle Areenassa: https://areena.yle.fi/podcastit/1-72359143
