Syväinaziiministerstvu terväh varustau ezityksen, kudaman vuoh voijah kyskiekseh liidehrajal ližennyzih rajanylityksih.
Suomen päivännouzurajan yli tulijoin turvupaikanpakiččijoin miäry vikse kazvau vie nygözesgi. Ylen pagizuteltuloin specialistoin mugah tovennägözesti tiedo avvonazes maršrutas leviey ruttoh.
Syömizien hinnan nouzendu jatkuu, ga selgiehgi aijembua hillembäh.
Suomelaine akkumul’uattoroin da mašinoin valmistai Valmet Automotive tahtou pannakseh lähivuozien aigua oman akkumul’uattoroin luajindan planiiruičendah da varustamizeh.
Ven’an registras olijoin mašinoin muahtulokieldo on ližännyh kyydilöin kyzyndiä päivännouzurajal.
Pienitulohizien miäry on liženemäs, nenga arvivoiččou sociali- da tervehys-yhtistys.
Koronaepidemii yligruuziu bol’niččoi Suomen eri čuril.
Kuundele ližiä Yle Areenas: https://areena.yle.fi/podcastit/1-67209795
