Teboil algau oman ruandan alahajon Yhtysvalloin sankcieloin täh
Alahajo koskou yhtivön kylmyazemii, kudamii on 250 (kaksisadua viizikymmen). Azemat salvatahes hil’l’akkazin.
Valdivon bydžiettäh tuli korona-aigua sežo alallistu menoližävysty.
Eloikeinoeloksen keskusliiton johtoh enzimästy kerdua nouzou naine, tehnolougiitevolližuon toimitusjohtai Minna Helle.
Ruttotramvaitien srojindu Vantuale on varmu dielo. Vantuan linnanvaldivosto hyväksyi tramvaitieprojektan ezmässargen.
Espoo da Turku omas puoles hyväksyttih ezmässargen Päivänlaskuraiživon akcieloinomistajien sobimuksen.
Suomelazen taidoilijan ruavot piästäh enzimästy kerdua nägövih arvostettuh Metropolitan-taidomuzeih New Yorkas. Tulien kuun allus muzeis avavuu Helene Schjerfbeckan ozuttelu.
Tuliel nedälil Suomes pietäh karjalan kielen nedälii jo kuvvettu kerdua. Kielinedäli korgenou karjalan kielen pruazniekkupäiväh nellänpiän 27. (kahteskymmenes seiččemes) kylmykuudu da jätkuu pyhähpäivässäh. Karjalan kielen nedälii todevutetah Päivännouzu-Suomen yliopisto da Karjalan Sivistysseura yhtes karjalan opastujien, karjalazien organizacieloin da kieliaktivistoin kel.
Kuundele ližiä Yle Areenas: https://areena.yle.fi/1-75999565
