Kunnat ollah piätetty omih tuloveroprosentoih näh tuliekse vuottu
Tulovero suurenou 68 (kuvveskymmenes kaheksas) kunnas da vähenöy nelläs kunnas. Suurin vuitti kunnis pidäy omassah veroprosentua endizelleh.
Policiihalličus on pannuh Veikkauksele 2,9 (kahten pilku yheksän) miljonan euron varavoštruafun Veikkauksen markinuittuu dengukižoi alaigähizile zakonanvastazesti.
Ruavolližustilandehen pahenendu jatkuu sežo vie tulien vuon, nenga sanou ruado- da eloikeinoministerstvan uuzi ennusteh.
Sociali- da tervehysministran Kaisa Juuson mugah omaliägärimalli todevuu vie tämän halličuskavven aigua.
Luotamus Petteri Orpon halličukseh on kyzelyn mugah heikko. Vaigu nenga kolme kymmenes vastannuzis luottau halličukseh.
Bankrotakse menendöin miärät ollah nostu ylen äijäl. Suomen aziekastiijon mugah bankrotakse on tänä vuon mennyh jo läs 2 700 (kahtutuhattu seičendysadua) yritysty.
Policii vuadiu motociklukluuban Bandidosan salvattavakse Suomes.
Kuundele liziä Yle Areenassa: https://areena.yle.fi/podcastit/1-72503738
