Suomes parahite pietäh karjalan kielen nedälii.
Kielinedäli on kazvanuh kolmanpiän pietys karjalan kielen päiväs ymbäri. Tarkoituksennu on pruazniekallistua karjalan kielen moninažuttu da eloivoimažuttu sego tuvva kieldy da sen azemua nägövih äijäh luaduh.
Karjalan kielen elvytändy- da kehitändyruado jatkuu iellehgi Päivännouzu-Suomen yliopistos. Karjalan kielen opastandu da tutkimus on olluh Päivännouzu-Suomen yliopiston kanzalline eričysruado vuvves 2009 (kaksituhattu yheksä) algajen.
Uvvet kanzallizet pitaičusnevvot on jullattu. Net korostetah kazvospainottehistu syömisvalličendua, kuduah kuuluu endisty enämbi kazvostu, fruktua da muarjua sego täyzijyvävil’l’ua da palgokazvii.
Muahmuuttovirrasto Migri reknailou savoin ulgomualazien opastujien olendulubien perävytändiä. Tämän vuvven syvyskuun loppussah Migri oli perävyttänyh 264 (kaksisadua kuuzikymmen nelli) lubua.
Opastujien mielentervehysprobliemoin liženendäs on roinnuh alalline ilmivö, kudamua korona enämbiä ei sellitä.
Kuundele liziä Yle Areenassa: https://areena.yle.fi/podcastit/1-72614088
