Srojimiszakonan kebjendämizet ollah viritetty kunnat eččimäh uuzii taboi rannoin suojuamizekse.
Vuvven allus voimah tulluon uvven zakonan mugah moizih al 30:n kvadrattumetrin talovushuonuksih niškoi, kui ezimerkikse randukylylöih näh, enämbiä ei pie pakita srojimislubua. Sen periä äijät kunnat ollah otettuhes omih rajoitustoimiloih, da zakonua sežo ellendetäh kunnis eri luaduh.
Julgizien da hyvinvoindualoin liitto JHL sego Auto- da Kulletusalan Ruadajienliitto AKT ilmoitettih, gu ezmässargen hyö zaveditah uvven suarron Tevolližusliiton tuvekse, ei piästäne sobimukseh tehnolougii- da hiimientevolližuon ruadoehtonevvottelulois.
Nenga 50:dy päivännouzurajas piäliči Suomeh tulluttu turvupaikanpakiččijua ebäilläh rikoksis Suomes.
Läs joga viijendel yläškolaniekal ei ole himoruaduo. Moine dielo on ylehine kui tyttölöin, mugai brihaččuloin keskes.
Läs 30 000 suomelastu piäzöy pidämäh omua nimipäiviä enzimästy kerdua tänä vuon, gu nimipäivykalenduarah ližättih uuzii nimilöi.
Suomi ozuttelehes Euroviizuloin toizen semifinualan jälgimäzel puolikkahal 15. oraskuudu.
Istundopauzalpäi tuliel nedälil järilleh tulii parluamentan liikendeh- da viestindyvalličendukundu ottau kačeltavakse jälgiaigahizet kuabelirikot Baltiekkumerel.
Kuundele liziä Yle Areenassa: https://areena.yle.fi/podcastit/1-73056099
