Nedälin 8 Yle Uudizet karjalakse Yle Areenas

Päivännouzu-Suomen yliopiston karjalan kielen opastunduaineh on suannuh suuren dengoituksen sanakniiguruadoh niškoi

Suomen Kul’tuurufondu on andanuh Päivännouzu-Suomen yliopiston karjalan kielen opastunduainehele merkittävän 200 000 (kahtensuan tuhanden) euron dengoituksen karjalan kielen sanakniiguruadoh näh. Projektan hantuzis azutah nygyaigaine, kai karjalan piämurdehet huomavoh ottai verkosanakniigu, kuduadu voijah sistemuattizesti tävvendiä kolmevuodehizen projektan jo loppiettuu.

Kelan maksettuloin ruavottomustugiloin suajien miäry nouzi 338 000 (kolmehsadah kolmeh kymmeneh kaheksah tuhandeh) hengeh mulloi.

Koittomus kazvau piälinnan alovehel ravieh.

Talven influensukauzi kestäy jo kaheksattu nedälii eigo ni loppuu vie nävy, nenga sanou HUS.

Kuundele ližiä Yle Areenas: https://areena.yle.fi/1-77137671