Nedälin 9 Yle Uudizet karjalakse Yle Areenas

Velgupiettelendy tuou tuliele halličuksele miljardusiästöt

Parluamentupuolovehet ollah sovittu miljarduluokan siästölöis tuliele valličuskavvele.

Halličus on suannuh parluamentan luottamuksen ruavolližustilandehtu koskijas välikyzymysiänestykses iänin 96–76 (yheksäkymmen kuuzi – seiččiekymmen kuuzi).

Suomespäi mulloi viettih rekordumiäry eläviä lehmiä ulgomuale.

Viemärilöin jiädymine tänä talven on olluh äijis kohtis poikkevuksellizeh suuri probliemu.

Ven’an suuren hyökkävyksen algavundas Ukrainah rodih tossargen nelli vuottu. Mustopäivän pidolois Kievas paikal oldih Suomen prezidentu Alexander Stubb da endine piäministru Sanna Marin.

Yhtysvalloin prezidentu Donald Trump pidi tossargen kanzukunnan tilua kaččelijan paginan kongresale Washingtonas. Pagin keskityi enimite talovuoh da muahmuuttopoliitiekkah.

Ylen lähetykset Milano-Cortinan olimpiiskolois talvikižois rikottih rekordua.

Ylen karjalankielizile uudizile roih piätteniččän 11 (yksitostu) vuottu.

Kuundele ližiä Yle Areenas: https://areena.yle.fi/1-77138510