Piäkuva: Marjakatti marjat kypšentäy. Kuva: Olga Karlova
Kuuntele:
Olen kotvan aikua smiettin, mitä voisin kirjuttua tänne čuppuseh ennen Iivananpäivyä. Ei tahton miteinkänä rotiutuo paššuajua tiemua eikä tekstie. Himottais kuitenkis piäššä pitämäh kešälomua kepein mielin.
Šuvačen kaikenmoisie šanarissikköjä. Mielelläni täyttäsin niitä karjalakši, ka kun ei moisie ole. Piätin kuotella luatie iče kešähisen karjalankielisen rissikön teitä varoin, kallehet lukijat ta kuuntelijat.
Kešärissikkö on luajittu ilmasen rissikköjen luatimiseh pätijän programman avulla. Tätä rissikkyö voipi täyttyä šuorah tietokonehella tahi telefonilla, a voipi ni printata. Alahana löyvytäh tarvittavat linkit.
Ennen kun tartut rissikköh, voit lukie tai kuunnella virkkehet, kumpasissa pyörittelen rissikön vaštaukšissa käytettyö šanaštuo. Tiettäväini voit myöštyö näih virkkehih myöhempähki, kun olet jo kuotellun täytellä rissikkyö. Vaštaukšet löyvytäh niise yhen plikkaukšen takua (kačo alempana Linkki vaštaukših -kohtua). Ka onhan še mukavampi enšimen ičen šuorittua tehtävä ta lopušša vain tarkistua.
Lykykäštä aijanviettuo kešärissikön keralla!
Linkki kešärissikön verkkoversieh: https://crosswordlabs.com/view/kesarissikko
Linkki printattavah šanarissikköh: pdf-tiijošto Kesarissikko
Kešärissikköh liittyjät kešäset virkkehet
Kuuntele:
Kešällä pietäh äijä pruasniekkua. Šiula on vorssa kešäšliäppä. Ropivoičemma Iivananpäivyä vaššen. Elä riko piäčkysen pešyä. Äkiellä šiällä mänemmä uimah. Huuhtelen piätä čiilahaisvejellä. Šuuri skokuna möllöttäy kaččuo kešellä polkuo. Päivät issun veneheššä ta onkitan. Ei päiväistä nävy. Iellä vihmua čakkua on muštanah. Marjakatilla on pität čorpat. Otatko verekšen vaššan kylyh? Kešällä olen kaikičči ativoinun konša keššä. Luajin mussikkapiiruan. Šientä on kukkapiä vakka.
Toivotan kaikilla hyvyä kešyä!
Linkki vaštaukših: pdf-tiijošto
Šanavakkani: šanarissikkö – sanaristikko, marjakatti – heinäsirkka, kotvan aikua – toven, Iivananpäivä – juhannus, rotiutuo – syntyä, ilmestyä, šuvačen – tykkään, kuotella luatie – kokeilla tehdä, pätijä programma – soveltuva ohjelma, plikkauš – klikkaus, vorssa kešäšliäppä – hieno hellehattu, ropivoičemma – rakentaa kokko, Iivananpäivyä vaššen – juhannusaattona, äkiellä šiällä – helteessä, čiilahaisvejellä – nokkosvedellä, skokuna – sammakko, päiväistä – aurinkoa, iellä vihmua – ennen sadetta, čakkua – hyttysiä, čorpat – jalat, verekšen vaššan – vasta tehdyn vihdan, kylyh – saunaan, olen ativoinun – olen vieraillut, luajin – teen, leivon, konša keššä – milloin kenenkin luona, kukkapiä vakka – kukkurainen kori.
Kuva, teksti ta rissikkö: Olga Karlova
