Luvettelimmo suvaittavembat vešit. Video: Marianne Mattila / Yle
Suomen ymbäristökeskus pidi alguvuvves enzimäzen kuluttajankyzelyn käytettylöin tuottehien ostandas.
Suomes ostetah käytetynny enimite sobua. Luvettelon teräl ollah sežo kniigat da astiet. Puaksum endisty käytetynny ostetah luajilmus- da käziruadotarvikkehii.
Tämä tiijustettih Suomen ymbäristökeskuksen kuluttajankyzelys, kudai piettih alguvuvves. Somen kauti markinoittuh kyzelyh vastai vähästy enäm 500 hengie, kudamis piäl 90 prosentan on naizii. Vastannuzis enäm 60 prosentua eläy Uvvelmual.
Langat ollah ylehine käziruavon suvaiččijoin löydö čondžoilaukas. Kuva: Marianne Mattila / Yle
Suomen ymbäristökeskus sebruau käytettylöin veššilöin myöndiä paiči muudu raportuittavakse sih näh Euroupan unionale. Tehtävy on zakonoinluajindahine. Sebruandu on vaste allus.
Leviembänny keskeizenny ruavonnu on sebrata, siirdyygo yhtehiskundu kohti kierdotalovuttu.
Yle Uudizet karjalakse: https://yle.fi/a/74-20148675
